Սերգեյ Շոյգուն դռնփակ հանդիպում է ունեցել Սաֆար Աբիևի հետ
Ադրբեջանական APA լրատվական գործակալության փոխանցմամբ՝ այսօր Մոսկվայում տեղի է ունեցել Ադրբեջանի ու Ռուսաստանի պաշտպանության նախարարներ Սաֆար Աբիևի ու Սերգեյ Շոյգուի երկկողմ հանդիպումը:
Հանդիպումը տևել է 20 րոպե: Հանդիպման ժամանակ քննարկվել են ռազմական ոլորտում Ռուսաստանի ու Ադրբեջանի փոխհարաբերությունները: Հանդիպումն անցել է դռնփակ պայմաններում: Հանդիպմանը ներկա են գտնվել նաև Ռուսաստանի ու Ադրբեջանի պաշտպանության փոխնախարարներ Անատոլի Անտոնովն ու Ռամիզ Նաջաֆովը:
Աբիևը Մոսկվայում մասնակցում է «Եվրոպական անվտանգության ռազմական ու քաղաքական ասպեկտներտը» թեմայով միջազգային կոնֆերանսին: Պլանավորված է, որ Աբիևը Մոսկվայում երկկողմ հանդիպումներ է ունենալու ԱՊՀ անդամ այլ երկրների պաշտպանության նախարարների հետ:
