Վրաստանի կառավարությունը դիտարկում է մարիխուանայի օրինականացման հնարավորությունը
Новости-Грузия-ի փոխանցմամբ՝ Վրաստանի կառավարությունը դիտարկում է մարիխուանայի ապաքրեականացման հնարավորությունը, քանի որ արգելքի սահմանումը մի շարք դեպքերում հղի է հակառակ հետևանքներով: Այս մասին հայտարարել է Աշխատանքի, առողջապահության ու սոցիալական պաշտպանության նախարար Դավիթ Սերգեենկոն:
Վերջինիս խոսքերով՝ ժամանակակից աշխարհում կան բազմաթիվ երկրներ, ուր դիտարկվել է մարիխուանայի ապաքրեականացման հարցը, իսկ որոշ երկրներում էլ ընդունվել է այդ օրենքը: Նախարարն ընդգծել է, որ հարցի ներկայիս դիտարկումն ամենևին էլ չի նշանակում, որ մի գեղեցիկ օր մարիխուանան կվաճառվի սուպերմարկետներում:
Վրաստանի գործող օրենսդրության համաձայն, սեփական սպառման համար թմրանյութի ապօրինի պատրաստումը, պահպանումը պատժվում է տուգանքով, ուղղիչ աշխատանքով կամ մինչև 1 տարի ազատազրկմամբ:
