Թուրքիան ու Ճապոնիան այս շաբաթ կստորագրեն Սինոպի ատոմակայանի կառուցման համաձայնագիրը
Թուրքական Zaman թերթի փոխանցմամբ՝ այս շաբաթ Թուրքիան ու Ճապոնիան ստորագրելու են միջկառավարական համաձայնագիր՝ Թուրքիայում երկրորդ ատոմակայանի կառուցման շուրջ:
Այդ համաձայնագիրը ստորագրվելու է Ճապոնիայի վարչապետ Սինձո Աբեի թուրքական այցի ժամանակ: Նշվում է, որ Սինոպի շրջանում Թուրքիայի երկրորդ ատոմակայանի կառուցումն արժենալու է 20-22 միլիարդ դոլար:
Այն կառուցելու է ֆրանսիական GDF Suez կոնսորցիումի կազմում գտնվող ճապոնական Mitsubishi ընկերությունը: Պլանավորված է, որ Սինոպի ատոմակայանն ունենալու է 4 էներգաբլոկ, որոնց ընդհանուր հզորությունը կազմելու է 4500-5000 մեգավատտ:
Սինոպի ատոմակայանի կառուցումը մեկնարկելու է 2017 թվականին, այն էլեկտրաէներգիա կսկսի արտադրել մինչև 2023 թվականը (Թուրքիայի Հանրապետության հիմնադրման 100-ամյակ):
