Չեմ զարմանա, եթե Ֆալկաոն ամռանը տեղափոխվի Չելսի. Տորես
«Չելսիի» հարձակվող Ֆերնանդո Տորեսը մեկնաբանել է Մադրիդի «Ատլետիկոյի» առաջատար Ռադամել Ֆալկաոյի հավանական տեղափոխությունը լոնդոնյան ակումբ։
«Երբ դու խաղում ես «Չելսիում», հասկանում ես, որ ակումբը յուրաքանչյուր պահի կարող է թոփ-ֆուտբոլիստ ձեռք բերել։
Մամուլում անընդհատ խոսվում է այն մասին, որ «Չեսին» ցանկանում է գնել այս կամ այն հայտնի ֆուտբոլիստին։ Դա սովորական է հատկապես այն ժամանակ, երբ մոտենում է ամառը։ Ուստի ոչ ոքի համար անակնկալ չի լինի, եթե «Չելսիին» հաջողվի ձեռք բերել Ֆալկաոյին», – իսպանացի ֆուտբոլիստի խոսքերն է փոխանցում Goal.com-ը։
Մարզական լրահոսն ապահովում է SportArmenia.com-ը
