Իրանը Պարսից ծոցում հաջողությամբ փորձարկել է միջին հեռահարության նոր հրթիռ
Իրանական Press TV հեռուստաալիքի փոխանցմամբ՝ Իրանը հայտարարել է «երկիր-ծով» տիպի միջին հեռահարության հրթիռի հաջող փորձարկման մասին, որն արձակվել է ցամաքային հարթակից:
Այս մասին հայտարարել է Պաշտպանության փոխնախարար Մաջիդ Բոկաեյը: Փորձարկումն իրականացվել է Պարսից ծովի ջրատարածությունում: Հրթիռի թռիչքի արձակման ժամկետի ու հեռավորության մասին ոչինչ չի հաղորդվում: Սրանից առաջ էլ Իրանը հաջողությամբ փորձարկել էր երեք նոր տիպի հրթիռներ:
Այդ մասին հայտարարել էր իրանական բանակի գեներալ-լեյտենանտ Կիումարս Հեյնդարին: Վերջինիս խոսքերով՝ այդ հրթիռները մշակվել են բանակի ու պաշտպանական արդյունաբերության նախարարության կողմից, իսկ դրանց փորձարկումն իրականացվել է ցամաքային զորքերի վերջին զորավարժությունների ժամանակ:
