Վրաստանի ՊՆ-ի պատվիրակությունը մեկնել է ԱՄՆ
Новости-Грузия լրատվական գործակալության փոխանցմամբ՝ Վրաստանի պաշտպանության նախարարի առաջին տեղակալ Լևան Դոլիձեն և Զինված ուժերի Միացյալ շտաբի պետի տեղակալ, գնդապետ Վլադիմիր Չաչիբայան աշխատանքային այցով մեկնել են ԱՄՆ:
Այս մասին հայտնել է Պաշտպանության նախարարության մամուլի ծառայությունը: ԱՄՆ-ում նրանք կանցկացնեն մի շարք հանդիպումներ: Մասնավորապես, նրանք հանդիպումներ են ունենալու ԱՄՆ պաշտպանական դեպարտամենտում, Սենատի արտաքին հարցերով հանձնաժողովում, ինչպես նաև պետդեպարտամենտում՝ Եվրոպայի ու Եվրասիայի հարցերով ԱՄՆ պետքարտուղարի փոխօգնակ Էրիկ Ռուբինի հետ:
Այցի նպատակը երկու երկրների միջև պաշտպանական ոլորտում համագործակցությանն առնչվող հարցերի քննարկումն է: Այցն ավարտվելու է ապրիլի 18-ին:
