ԱՄՆ-ը նոր պատժամիջոցներ է սահմանել Իրանի նկատմամբ
Ռուսական ИТАР-ТАСС լրատվական գործակալության փոխանցմամբ՝ ԱՄՆ-ը նոր պատժամիջոցներ է սահմանել Իրանի նկատմամբ: Այս մասին երեկ հայտարարել է ԱՄՆ ֆինանսների նախարարությունը:
Պատժամիջոցների տակ է ընկել Շվեյցարիայում բազավորված իրանական Naftiran Intertrade ընկերությունը, որն ամերիկյան կողմի կարծիքով գտնվում է Իրանի Ազգային նավթային ընկերության ղեկավարման կամ վերահսկողության ներքո: Վերջինս ավելի վաղ է հայտնվել «սև ցուցակում»:
Պատժամիջոցներն առնչվել են նաև իրանցի գործարար Բաբակ Մորտեզա Զանժանին, ով այդ երկու կոնցեռնին ցուցաբերել է ֆինանսական ու տեխնիկական աջակցություն: Դրա հետ մեկտեղ պատժամիջոցներ են սահմանվել մալայզիական Իսլամական առաջին ներդրումային բանկի նկատմամբ:
