ԱՄՆ պետդեպարտամենտը Կոնգրեսից խնդրել է մոտ կես միլիարդ դոլար՝ «Արաբական գարնան» հիմնադրամի համար
Ամերիկյան Foreign Policy պարբերականի փոխանցմամբ՝ ԱՄՆ պետդեպարտամենտը Կոնգրեսից խնդրել է մոտ կես միլիարդ դոլար՝ Հյուսիսային Աֆրիկայի ու Մերձավոր Արևելքի երկրներին աջակցելու համար, որոնք 2010 թվականի դեկտեմբերից վերածվել են հեղափոխական հուզումների արենայի:
Պլանավորված է 580 միլիոն դոլար հատկացնել Մերձավոր Արևելքի ու Հյուսիսային Աֆրիկայի հիմնադրամին՝ տարածաշրջանային այդ երկրներին աջակցելու և դրանցում ժողովրդավարական ու տնտեսական բարեփոխումներ անցկացնելու համար, ինչը պահանջում են նրանց քաղաքացիները՝ տվյալ տարածաշրջանում կայունության հաստատման համար:
Այդ հիմնադրամը ղեկավարելու է ԱՄՆ նախկին պետքարտուղար Հիլարի Քլինթոնի նախկին տեղակալներից մեկը, ինչպես նաև ԱՄՆ-ի Խաղաղության ինստիտուտի առաջատար փորձագետ Բիլ Թեյլորը:
