Հարավային Կորեան ԿԺԴՀ-ին զսպելու հարցում օգնության խնդրանքով դիմել է Չինաստանին ու Ռուսաստանին
Հարավկորեական Renhap լրատվական գործակալության փոխանցմամբ՝ Հարավային Կորեայի կառավարությունը դիմել է Ռուսաստանին ու Չինաստանին՝ խնդրելով օգնել զսպել ԿԺԴՀ-ին՝ հետագա ռազմական սադրանքներից զերծ մնալու համար:
Այս մասին հայտարարել է Հարավային Կորեայի արտգործնախարար Յուն Բեն Սեն. «(Հարավային) Կորեայի կառավարությունը Չինաստանի ու Ռուսաստանի հետ սերտ համագործակցության միջոցով շարունակում է փորձեր ձեռնարկել՝ Հյուսիսային Կորեային համոզելու համար փոխել սեփական դիրքորոշումը»:
Արտգործնախարարը նաև ընդգծել է միջազգային հանրության միասնությունը՝ Հյուսիսային Կորեայի կողմից սադրիչ սպառնալիքների հաղթահարման հարցում:
