Վրաստանը կանգնած է ժողովրդագրական աղետի շեմին. Բիձինա Իվանիշվիլի
Վրացական GHN լրատվական գործակալության փոխանցմամբ՝ Վրաստանի վարչապետ Բիձինա Իվանիշվիլին հայտարարել է, որ Վրաստանը կանգնած է ժողովրդագրական աղետի շեմին.
«Ժողովրդագրությանն առնչվող միտումներն առաջացնում են մտահոգություն: ՄԱԿ-ի տվյալներով՝ Վրաստանը կանգնած է ժողովրդագրական աղետի շեմին, և եթե մենք ժամանակին չլուծենք մեր խնդիրները և չձեռնարկենք անհապաղ քայլեր, վրացական պետության ֆիզիկական փրկությունը կհայտնվի կասկածի տակ:
Այդ խնդրի լուծումը կախված է մեր պետությունից ու հասարակությունից: Մենք որոշել ենք իրականացնել ժողովրդագրական զարգացման քաղաքականություն, մշակել հատուկ հայեցակարգ, որը կհստակեցնի խնդրի լուծման ուղիները:
Խնդիրը շատ մեծ է և պահանջում է հասարակության գիտակցված ու ակտիվ աջակցություն: Մենք չենք կարող խնդիրը լուծել առանց պետության ու հասարակության համատեղ ջանքերի»:
