Ամերիկացիները կստեղծեն աշխարհի խոշորագույն ավիաընկերությունը

Ամերիկյան American Airlines և US Airways ավիաընկերությունների տնօրենների խորհուրդները հավանություն են տվել միավորման պայմաններին, որի արդյունքում կձևավորվի աշխարհի ամենախոշոր ավիափոխադրող ընկերությունը։

Այս մասին նշվում է American Airlines-ի սեփականատեր AMR կորպորացիայի պաշտոնական հաղորդագրության մեջ։

Միավորված ընկերության շուկայական արժեքը գնահատվում է մոտ 11 միլիարդ դոլար։ Ինքնաթիռները թռչելու են American Airlines բրենդի ներքո։ Նոր ընկերությունը կշարունակի մաս կազմել Oneworld ավիաալյանսին։ Այն կիրականացնի օրական ավելի քան 6700 թռիչք՝ 336 ուղղություններով և աշխարհի 56 երկրներում։