Նախորդ տարի Facebook-ի մաքուր շահույթը նվազել է 95 տոկոսով
Ռուսական РИА Новости լրատվական գործակալության փոխանցմամբ՝ 2012 թվականին Facebook աշխարհի խոշորագույն սոցցանցի մաքուր շահույթն ԱՄՆ-ում գործածվող հաշվապահական հաշվարկի ընդհանուր սկզբունքներով նվազել է 95 տոկոսով և կազմել է ընդամենը 53 միլիոն դոլար: 2011 թվականին այդ ցուցանիշը կազմել է 1 միլիարդ դոլար:
2012 թվականի չորրորդ եռամսյակում Facebook-ի մաքուր շահույթը նվազել է 79 տոկոսով: Սոցցանցի հիմնադիր Մարկ Ցուկերբերգը հայտարարել է, որ 2012 թվականին սոցցանցը միավորել է ավելի քան մեկ միլիարդ մարդու:
