Թուրքիայում հայտնաբերվել է Պիկասոյի 10 միլիոն դոլար արժողությամբ նկարը
МК-Турция-ի փոխանցմամբ՝ Թուրքիայի Էլյազըղ (Էլյազիգ) նահանգի Ժանդարմերիայի ղեկավարությունը անանուն աղբյուրից տեղեկատվություն է ստացել, որ ոմն քաղաքացի փորձում է վաճառել «Առլեքինի ընտանիքը» նկարը, որի ենթադրյալ հեղինակը Պիկասոն է:
Ձեռնարկած գործողության արդյունքում Ժանդարմերիան առգրավել է 1905 թվականի տվյալ նկարը: Այն ուղարկվել է փորձաքննության: Ցուցմունքներ տալուց հետո կասկածյալը բաց է թողնվել մինչև դատական գործընթացի ավարտը: Նշվում է, որ նկարն առևանգվել է Իրաքի կամ Քուվեյթի թանգարաններից մեկից: Նկարը գնահատվում է 10 միլիոն դոլար:
