«Ինչո՞ւ են ՎՊ-ի ստուգումները քիչ». ԲՀԿ-ական պատգամավոր
Այսօր ԱԺ ԲՀԿ խմբակցության պատգամավոր Վահագն Մաղսուդյանը Վերահսկիչ պալատի նախագահ Իշխան Զաքարյանին հարցրեց, թե ինչո՞ւ են ՎՊ-ի ստուգումները քիչ: «ՎՊ-ի հաստատված հաշվետվություններում, ինչքան ստուգում եղել է՝ կազմել է 4-8%, և այդ դեպքում եղել են հսկայական՝ մի քանի միլիարդավոր դրամի չարաշահումներ, վատնումներ: Ինչո՞ւ եք նախորդ տարիներին քիչ անցկացրել ստուգումներ: Մեզ մոտ տեսնում ենք, որ ռիսկայինն ու անռիսկայինը դրել են մի կողմ, որտեղ ստուգում եք՝ նոր խախտումներ կան: Մենք այսօր տեսնում ենք, որ բոլորն էլ ռիսկային են»,- հետաքրքրվեց Վ. Մաղսուդյանը:
Ի պատասխան, Ի. Զախարյանը նշեց, թե ճիշտ է՝ նախորդ տարիներին իրենք փորձել են «հասկանալ ավելի շատ ռիսկային ոլորտները, հետևաբար՝ ծրագրում ընտրել ենք ռիսկային թիրախները»:
