ԱՄՀ-ն կհետևի ԵԿԲ-ի գնումներին
Եվրահանձնաժողովի գործողությունները չպետք է տնտեսության վրա ազդեցության հավելյալ գործոններ ստեղծեն:
Նմանատիպ կարծիք է հայտնել Իտալիայի կառավարության ղեկավար Մարիո Մոնտին խնդրային երկրների պարտատոմսերի ձեռքբերման ծրագիրը սկսելու վերաբերյալ: Մարիո Մոնտին նաև տեղեկացրել է, որ կոնկրետ գնման գործընթացին որպես դիտորդ հետևելու է Արժույթի միջազգային հիմնադրամը:
Միևնույն ժամանակ, Իտալիայի վարչապետը հայտնել է, որ գլխավոր երկրները, որոնց աջակցում է Եվրոպական Կենտրոնական բանկը, այդքան էլ ուրախ չեն անհրաժեշտ օգնությունը ստանալու համար և պաշտոնական խնդրանքով դիմել են ԵԿԲ-ին: Մոնտին կարծում է, որ եվրոգոտում իրավիճակը ծայրահեղ անորոշ է, ինչի արդյունքում՝ ԵԿԲ-ն և այլ կարգավորողները կարող են Իտալիայից պահանջել տնտեսման խիստ ծրագրեր:
Մոնտին կոչ է արել արժույթի կառույցի առաջնորդներին՝ ստեղծել բյուջեի դեֆիցիտի կրճատման հսկողության այնպիսի գործընթաց, որի ընթացքում կրեդիտորները կկարողանան հետևել և տեսնել, որ տնտեսման ծրագիրը շարունակվում է, և ամեն ինչը ընթանում է իր հունով:
«Եթե դա լինի համապատասխան շուկայական պայմաններում օգնություն ստանալ ցանկացող երկրի վերջնական պահանջը, այդ դեպքում այդ օգնության մեջ ոչ մի վախենալու բան չկա»,- ասել է Մոնտին:
