Երևանում կառուցվում է վերգետնյա 7 նոր անցում
Հերթական աշխատանքային խորհրդակցության ժամանակ այսօր շինարարության և բարեկարգման վարչության պետը Երևանի քաղաքապետ Տարոն Մարգարյանին զեկուցել է, որ ընթացքի մեջ են վերգետնյա 7 նոր անցումների կառուցման աշխատանքները:
Ըստ Երևանի քաղաքապետարանի տեղեկատվության և հասարակայնության հետ կապերի վարչությունից՝ նորոգման աշխատանքներ են տարվում անցումների սալահատակները ասֆալտբետոնե ծածկույթով փոխարինելու համար:
Վարչության պետը նշել է, որ դա հնարավորություն կընձեռի խուսափել սառցակալումների և հալոցքների ժամանակ ավելորդ անհարմարություններից:
Խորհրդակցության ժամանակ զեկուցվել է նաև, որ ընթանում են մայրաքաղաքի կենտրոնական փողոցների, այգիների ու պուրակների ցայտաղբյուրների վերանորոգման ու վերագործարկման աշխատանքները:
Սրան զուգահեռ ընթանում է նաև բակային տարածքներում գտնվող, սակայն չգործող ցայտաղբյուրների վերանորոգումը:
Մի շարք ցայտաղբյուրներ արդեն վերագործարկվել և հանձնվել են բնակիչներին:
