Բաքվի զինամթերքի պահեստում հրդեհ է բռնկվել

Այսօր այրվել է Բաքվի Ղարադաղի շրջանում  գտնվող Ադրբեջանի պետական սահմանապահ ծառայության ռազմական բազան. տեղեկացնում է ադրբեջանական  Trend գործակալությունը: Հրդեհը մարելու ընթացքում վիրավորվել են  փրկարար ծառայության երեք աշխատակիցներ: Նրանցից երկուսն այրվածքներ են ստացել, իսկ մեկը թունավորվել է ծխից:

Հրդեհը բռնկվել է ռազմաբազայի զինամթերքի պահեստում: Դեպքի վայրում աշխատել է հրշեջ մի քանի հաշվարկ, ինչպես նաև ուղղաթիռներ: