Wall Street Journal-ի աղբյուրները ամերիկացի բարձրաստիճան պաշտոնյաներն են
Ամերիկյան Wall Street Journal պարբերականը դարձյալ անդրադարձել է կործանված թուրքական ռազմական ինքնաթիռին` պնդելով, որ այն կործանվել է Սիրիայի տարածքում: Անդրադառանալով Էրդողանի կողմից պարբերականի հասցեին հնչեցված բավականին խիստ քննադատություններին, նրանք նշեցին, որ իրենց աղբյուրները ամերիկացի բարձրաստիճան պաշտոնյաներն են, ում անունները սակայն չեն հրապարակելու: Էրդողանն անդրադառնալով Wall Street Journal-ի հրապարակմանը, պահանջել էր, որ հրապարակվի տեղեկության աղբյուրի անունը, այլապես ինքը նրանց «վախկոտ» կհամարի: Նշենք նաև, որ Wall Street Journal-ին տված հարցազրույցում ամերիկյան անվտանգության բարձրաստիճան մի պաշտոնյա հայտարարել էր, որ հունիսի 22-ին Միջերկրական ծով ընկած թուրքական F-4 ինքնաթիռը խփվել է Սիրիայի օդային տարածքում:
