Յանուկովիչ-Սարգսյան՝ հանդիպում Կիևում
Ուկրաինայի նախագահ Վիկտոր Յանուկովիչը հուլիսի 2-ին հանդիպել է իր հայ գործընկերոջ` Սերժ Սարգսյանի հետ, ով Կիեւ է մեկնել երկօրյա աշխատանքային այցով: Ինչպես հաղորդում է Ուկրաինայի նախագահի մամուլի ծառայությունը, հանդիպման ընթացքում քննարկվել են երկրների միջեւ երկկողմ համագործակցության հարցերը, առեւտրա-տնտեսական հարաբերությունները:
Ինչպես հայտնի է՝ Հայաստանի նախագահ Սերժ Սարգսյանը Ուկրաինայի նախագահ Վիկտոր Յանուկովիչի հրավերով հուլիսի 1-ին աշխատանքային այցով մեկնել էր Կիեւ: Սերժ Սարգսյանը Ուկրաինայի նախագահի եւ բարձրաստիճան այլ հյուրերի հետ միասին մայրաքաղաք Կիեւում դիտել է ֆուտբոլի Եվրոպայի առաջնության եզրափակիչ խաղը:
