“ՀԱԿ-ի մուտքն ԱԺ գործարք էր”
ԱԺ ՀՀԿ-ական պատգամավոր Մանվել Բադեյանը այսօր ասուլիսում` անդրադառնալով ՀԱԿ առաջնորդ Լևոն Տեր-Պետրոսյանի վերջին ելույթին` ասել է, թե նա հորդորում էր ԲՀԿ-ին լինել ավելի ակտիվ, ինչը ծիծաղելի է: “Թե ինչ պետք է անի ԲՀԿ-ն, այդ կուսակցությունն արդեն արտահայտվել է՝ չի ընդունելու ընդդիմադիր կեցվածք, քանի որ ընդդիմություն լինելը ինքնանպատակ չի կարող լինել, իսկ ՀԱԿ առաջնորդի կողմից դա հնչում է որպես բաղձալի գագաթ”,- ասել է Բադեյանը:
Իսկ ասուլիսի մյուս մասնակից` ԼՂՀ ԱԳ նախկին նախարար Արման Մելիքյանի դիտարկմամբ` ՀԱԿ-ԲՀԿ հնարավոր համագործակցության մասին “պատրանքներն” իրականություն չեն դառնա. “Ես Տեր-Պետրոսյանին միամիտ մարդ չեմ համարում, նա ելնում է հստակ ձևավորված իրողությունից: ՀԱԿ-ի մուտքը խորհրդարան գործարք էր”,- հայտարարել է Արման Մելիքյանը:
