Վթար` Տաշիրում. բախումից հետո «Օպել»-ը կողաշրջվել է և հարվածել սյանը

Օգոստոսի 22-ին, ժամը 23.49-ին ահազանգ է ստացվել, որ Լոռու մարզի Տաշիր քաղաքի Երևանյան խճուղում տեղի է ունեցել ՃՏՊ. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ:

Պարզվել է, որ Երևանյան փողոցի թիվ 188 շենքի մոտակայքում իրար են բախվել «Վազ 31-10» մակնիշի 22 SS 348 պ/հ և «Օպել» մակնիշի 34 SA 566 պ/հ ավտոմեքենաները, ինչից «Օպել» մակնիշի ավտոմեքենան կողաշրջվել է և հարվածել էլ. սյանը: Տուժածներ չկան: Հրշեջ-փրկարարները հոսանքազրկել են ավտոմեքենաները և դադարեցրել գազի արտահոսքը:

Արտակարգ իրավիճակների նախարարություն