168.am-ը շաբաթներ առաջ անդրադարձել էր ցախավելների ձեռքբերման պետական գնումների մանվածապատ թեմային՝ նշելով, որ տարիներ շարունակ մատակարար հանդիսացող Արթուր Անանյանին փաստացի զրկել են ընտանեկան բիզնեսից։
Ցախավելների գնման գործընթացի թեման, որի մասին տարատեսակ դրվագներ արդեն հանրայնացվել են մամուլում, դեռ «շատ ջուր է քաշելու»։
Դեռևս նախորդ տարվա նոյեմբերին, երբ իրավապահները բերման էին ենթարկել Մալաթիա-Սեբաստիա վարչական շրջանի նախկին թաղապետ, ՔՊ-ական Արման Բարխուդարյանին ու թաղապետարանի մի քանի պաշտոնյաների, խոսակցություններ պտտվեցին, որ կասկածյալների ցանկում է նաև Մալաթիա-Սեբաստիա վարչական շրջանի նախկին թաղապետ Սաշա Կատվալյանը, որն այդ ժամանակ զբաղեցնում էր Երևանի քաղաքապետի խորհրդականի պաշտոնը: Ինքը՝ Կատվալյանը, ասել էր՝ կապ չունի վարչական շրջանի ղեկավարի ու այլ պաշտոնյաների կողմից գնումների գործընթացը ոչ պատշաճ կազմակերպելու թեմայի հետ:
Վերջին շաբաթների ընթացքում անակնկալ կերպով սկանդալի կենտրոնում հայտնվեց Մալաթիա-Սեբաստիա վարչական շրջանի նախկին ղեկավար, ապա Տիգրան Ավինյանի խորհրդական Սաշա Կատվալյանը:
Մամուլն արդեն տեղեկացրել է, որ օրերս իրավապահները բերման են ենթարկել Մալաթիա-Սեբաստիա վարչական շրջանի նախկին թաղապետ, ՔՊ-ական Արման Բարխուդարյանին, կոմունալ բաժնի պետ Աշոտ Խաչատրյանին, առևտրի բաժնի պետ Հրայր Արամյանին և կոմունալի աշխատակից Վան Հարությունյանին՝ գնումների գործընթացը ոչ պատշաճ կատարելու կասկածանքով:
Քիչ առաջ հայտնի դարձավ, որ աշխատանքից ազատվելու դիմում է գրել Մալաթիա-Սեբաստիա վարչական շրջանի ղեկավար Սաշա Կատվալյանը:
