Աշխարհ

Ռուսաստանի Դաշնության փոխարտգործնախարար Միխայիլ Գալուզինը Իրանի փոխարտգործնախարար Ալի Բաղերի Քանիի հետ հոկտեմբերի 26-ին ունեցած հանդիպմանը քննարկել է Անդրկովկասում տիրող իրավիճակը, ինչպես նաև Ուկրաինայում հակամարտությունը։

Ֆրանսիայի հետ ռազմատեխնիկական համագործակցության պայմանագիրը կարող է շատ բան տալ հայկական կողմին և մեծացնել պաշտպանական հնարավորությունները, այլ հարց է, թե ինչ մասշտաբների և ինչ ժամանակահատվածում Ֆրանսիան կիրականացնի մատակարարումները: Խոսքը, գիտեք, որ հիմնականում ՀՕՊ և ռադիոլոկացիոն միջոցների մասին է, դրանց տեղափոխումը լոգիստիկ խնդիրների է բախվելու, որոնց կարգավորումից հետո անձնակազմի պատրաստման հարցեր պիտի հնարավորինս արագ լուծվեն: Որովհետև այլ հարց է զինտեխնիկա ունենալը, մեկ այլ հարց՝ դրա գրագետ և արդյունավետ կիրառումն ապահովող անձնակազմի առկայությունը, ինչը կարճաժամկետ խնդիր չէ:

Միացյալ Նահանգները և Թուրքիան խորհրդակցություններ են վարում Սև ծովում Հյուսիսատլանտյան պայմանագրի կազմակերպության (ՆԱՏՕ) նավերի քանակը մեծացնելու հարցերի շուրջ։ Այդ մասին հայտնել է ԱՄՆ պետքարտուղարի Եվրոպայի և Եվրասիայի հարցերով օգնական Ջեյմս Օ’Բրայենը՝ ելույթ ունենալով Կոնգրեսի Սենատի արտաքին հարաբերությունների հանձնաժողովում։

Եվրոպայի խորհուրդը Լեռնային Ղարաբաղի վերաբերյալ հրատապ քննարկում է անցկացրել և հռչակագիր ընդունել։ Այս տեղեկությունը հրապարակվել է X սոցիալական ցանցում` «Հայաստանը Եվրոպայի խորհրդում» միկրոբլոգում։

ՌԴ ԱԳ նախարարության պաշտոնական ներկայացուցիչ Մարիա Զախարովան մեկնաբանել է Նիկոլ Փաշինյանի` Wall Street Journal թերթին տված հարցազրույցը, որտեղ վերջինս հայտարարել էր, թե հանրապետությունում ռուսական ռազմաբազաների շարունակական ներկայության մեջ առավելություն չի տեսնում։

ԱՄՆ նախագահ Ջո Բայդենի վարչակազմը Կոնգրեսից 2,2 միլիարդ դոլար է պահանջել՝ ուրանի հարստացման կարողությունների մեծացման համար, որպեսզի «կախված չլինեն ռուսական աղբյուրներից»։ Այդ մասին ասված է Սպիտակ տան տարածած փաստաթղթում։

Այսօր Բրյուսելում մեկնարկող ԵՄ երկօրյա գագաթնաժողովի բանաձևի նախագծում անդրադարձ կա նաև հայ-ադրբեջանական կարգավորմանը։

Իսրայելացի զինվորականները մեկ օրում Գազայի հատվածում հարվածներ են հասցրել ​​ՀԱՄԱՍ խմբավորման 250 օբյեկտների։ Այս մասին հայտնել է Իսրայելի բանակի մամուլի ծառայությունը։

Հոկտեմբերի 22-ին ՀՀ Պաշտպանության նախարար Սուրեն Պապիկյանն այցելել էր Ֆրանսիա, որտեղ հանդիպում էր ունեցել այդ երկրի Զինված ուժերի նախարար Սեբաստիեն Լըքորնյուի հետ: Այցի շրջանակներում կողմերը ստորագրել են համաձայնագրեր՝ Հայաստանի կողմից ֆրանսիական զենք գնելու վերաբերյալ: Խոսքը վերաբերում է, մասնավորապես, հակաօդային պաշտպանության միջոցներին։

Անօդաչու թռչող սարքը հերթական անգամ գրոհել է ամերիկյան Այն էլ Ասադ ռազմակայանի վրա Իրաքի արևմուտքի Անբարի նահանգում։ Այս մասին հաղորդել է Al Mayadeen հեռուստաալիքը։

«Իրանում Ռեշտ-Աստարա երկաթուղային հատվածի ռուսական օպերատորը, որը պատկանում է Հյուսիս-Հարավ միջազգային տրանսպորտային միջանցքի արևմտյան ճյուղին, սկսել է նախագծի իրականացման նախապատրաստական ​​աշխատանքները»,- այս մասին լրագրողներին հայտնել է ՌԴ փոխվարչապետ Ալեքսեյ Օվերչուկը։

Եվրասիական տնտեսական միությունը դառնում է բազմաբևեռ աշխարհի ձևավորման կենտրոններից մեկը։ Այս մասին Բիշքեկում նեղ կազմով Եվրասիական միջկառավարական խորհրդի նիստին, ըստ ՌԻԱ Նովոստիի՝ հայտարարել է ՌԴ վարչապետ Միխայիլ Միշուստինը։ 

«Ի՞նչ ռեսուրսով։ Իհարկե, Ադրբեջանն էլ, Ռուսաստանն էլ այդ եռակողմ հայտարարության բազմաթիվ կետեր չեն կատարել: Եվ, առաջին հերթին, հիմնականում Ադրբեջանի, բայց նաև Ռուսաստանի մեղքով է, որ այդ ստատուս-քվոն հիմա չի գործում, բայց արդյո՞ք Փաշինյանն ունի այնպիսի մի արտաքին աջակցություն, որ կարողանա նույնիսկ գոյություն չունեցող փաստաթղթի ռեժիմից դուրս գալ:

Ռուսաստանը ջանքեր է գործադրում օգնելու Հայաստանին և Ադրբեջանին խաղաղության պայմանագիր կնքել։ Այս մասին հոկտեմբերի 26-ին հայտարարել է ՌԴ նախագահի մամուլի քարտուղար Դմիտրի Պեսկովը։

Բացի այդ, հոկտեմբերին ԱՄՆ-ն և Հարավային Կորեան Գուամ կղզու ջրային տարածքում անցկացրել են Silent Shark վարժանքները:

Հոկտեմբերի վերջին Եվրամիության խորհրդի նախագահ Շառլ Միշելի միջնորդությամբ նախատեսվող Փաշինյան-Ալիև հանդիպումը չի կայանա։ Այս մասին հայտարարել է Հարավային Կովկասի և Վրաստանում ճգնաժամի հարցերով Եվրամիության հատուկ ներկայացուցիչ Տոյվո Կլաարը, ով ռեգիոնում էր ըստ էության այս այցը կազմակերպելու նպատակով, իսկ տարածաշրջանը լքելուց հետո հույս էր հայտնել, որ հանդիպումը կկայանա։

Աշխարհաքաղաքականությունն ինքնին բարդ երևույթ է, իսկ դրա շուրջ դատողություններ ու մեկնաբանություններ անելն առավել ևս, սակայն գեոպոլիտիկ այս քաոսի մեջ, որն այսօր առկա է արդի աշխարհում, հարկավոր է շատ զգույշ քայլեր կատարել, որպեսզի չվնասվի սեփական պետության շահերն ու չփչանան առանց այդ էլ փխրուն հարաբերությունները։ Ցավով պետք է փաստենք, որ հայաստանյան իրականությունն այսօր ապրում է իր աշխարհաքաղաքական գենեզիսի պատմական մինիմումը։ Եվ այդ ամենի պատճառը բացառապես ունի մեկ անուն՝ նիկոլ։

Արտակ Զաքարյանը ֆեյսբուքյան իր էջում գրում է. «The Wall Street Journal-ին տված հարցազրույցում Նիկոլը երեկ պատմեց, թե ինչպիսի «ուկրաինական բորշչ» է եփում հայ ժողովրդի համար: Ապագայում բոլորն անխտիր համտեսելու են այդ դառը, անհամ և արյունոտ ապուրը` իր բոլոր տխուր հետևանքներով:

Մոսկվան Երևանի հետ շփումներում ակնկալում է տեղեկատվություն ստանալ այն մասին, թե ինչ նկատի ուներ Նիկոլ Փաշինյանը՝ խոսելով անվտանգության ոլորտում հարաբերությունները դիվերսիֆիկացնելու անհրաժեշտության մասին։ Այս մասին լրագրողներին ասել է Ռուսաստանի նախագահի մամուլի քարտուղար Դմիտրի Պեսկովը։

«Եվրասիական անվտանգություն. իրականությունն ու հեռանկարները փոփոխվող աշխարհում» միջազգային համաժողովի ժամանակ ՌԴ արտգործնախարար Սերգեյ Լավրովը հայտարարել է, որ Ռուսաստանը պատրաստ է խոսել Արևմուտքի հետ եվրասիական անվտանգության հարցերի շուրջ, սակայն այսօր երկրների մեծ մասի կողմից նման շփման հեռանկարներ չի նկատվում։ 

Եվ մերժելով Ռուսաստանի հետ սերտ դաշինքի կնքումը՝ կանաչ լույս» վառեցինք թուրքական հարձակման ու նվաճումների համար։

ԱՄՆ-ի Մեն նահանգի Լյուիսթոն քաղաքում տղամարդը կրակ է բացել երեք տարբեր կետերում, այդ թվումէ առևտրի կենտրոնում ու բարում։ Ինչպես հաղորդում է ՌԻԱ Նովոստին՝ վերջին տվյալներով կա առնվազն 22 զոգ և 60 վիրավոր։ Նահանգի ոստիկանության ներկայացուցիչ Մայքլ Սաուշակը հայտնել է, որ զոհերի ճշգրիտ թիվը դեռ հայտնի չէ։

Չինաստանի տվյալների պետական ​​վարչությունը չորեքշաբթի օրը պաշտոնապես սկսել է իր աշխատանքը։ Այս մասին հայտնում է «Սինհուա» լրատվական գործակալությունը։ Նոր կարգավորիչը «կխթանի թվային տնտեսության և թվային հասարակության կառուցումը՝ միասնական պլանավորման հիման վրա»։

Ամերիկացի նախկին զինվորական և ռազմական վերլուծաբան Դուգլաս Մաքգրեգորը հեռուստատեսության ուղիղ եթերում անդրադարձել է Պաղեստինի Գազայի հատվածում իշխող «ՀԱՄԱՍ» խմբավորման և Իսրայելի միջև բռնկված ռազմական բախմանը:

Հայաստանը չի քննարկում ռուսական բազաների դուրսբերման հարցը, այլ փորձում է հստակեցնել հարցերը Ռուսաստանի և ՀԱՊԿ-ի հետ. Փաշինյանը WSJ-ին։

Անդրադառնալով հոկտեմբերի վերջին Բրյուսելում նախատեսված ու հետաձգված հանդիպմանը՝ միջազգայնագետ Գրիգոր Բալասանյանը 168.am-ի հետ զրույցում վստահեցրեց, որ այդպիսի հանդիպումների վերաբերյալ պայմանավորվածություն ձեռք է բերվում դեռևս ամիսներ առաջ, ու դրա հետաձգումը չի կարող պայմանավորված լինել ժամանակի սղությամբ: Նրա տպավորությամբ՝ այս դեպքում էլ, կարծես, կրկնվում է Գրանադայի պատմությունը, երբ Ալիևը պարզապես չմասնակցեց նախապես հայտարարված հանդիպմանը:

Կրեմլը մտադիր չէ ընդունել լրատվամիջոցների հրապարակումները, ասել է ՌԴ նախագահի մամուլի քարտուղար  Պեսկովը Փաշինյանի` ռուսական ռազմաբազաների մասին WSJ-ին ասածների վերաբերյալ։

Իրանը սկսել է կառուցել «Քարուն» նոր ատոմակայանը, որի հզորությունը կկազմի առնվազն 300 ՄՎտ:

Ամերիկացի զինվորականները փորձում են Իսրայելին հետ պահել Գազայի հատվածում լայնամասշտաբ ցամաքային գործողություն սկսելու պլանից : Այս մասին հայտնում է CNN-ը։

«Պրեսսինգ» հաղորդաշարում Սաթիկ Սեյրանյանի հյուրը «Ոսկանապատ» վերլուծական կենտրոնի ղեկավար, քաղաքագետ Հրանտ Մելիք-Շահնազարյանն է։