Վերաքննիչ դատարանում տեղի ունեցավ Հայկ Մովսիսյանի գործով բողոքի քննությունը: Բազմիցս անդրադարձել ենք Հայկ Մովսիսյանի մահվան փաստով հարուցված քրեական գործին, որով քննչական մարմինները, Հայկ Մովսիսյանի մահվան փաստը քննելով որպես ինքնասպանություն, հանցակազմի բացակայության հիմքով կարճել են, սակայն, Հայկ Մովսիսյանը չի ճանաչվել տուժող, իսկ նրա մայրը` Հեղինե Պետրոսյանը, տուժողի իրավահաջորդ, որի արդյունքում խախտվել են Հայկ Մովսիսյանի իրավունքները:
Վահագնի գյուղում բնակվող Բեգլարյանների ընտանիքը նոյեմբերի 11-ի լույս 12-ի գիշերն արթնացել է ժամը 4-ին՝ շների հաչոցից: Գայլերը ոչխարի հոտի վրա հարձակվել են ոչ թե սարերում, այլ անասնագոմում:
«Ես այս ամենից անձնական որևէ շահ չունեմ, իմ գլխավոր խնդիրը տնտեսության զարգացումն է, նոր աշխատատեղերի ստեղծումը: Ես պատրաստ եմ անել ամեն ինչ, որպեսզի օտարերկրյա ներդրողները գան ու գումարներ ներդնեն Հայաստանում: Ձեզ տրված է հնարավորություն միմյանց հետ ծանոթանալու, շփվելու, համատեղ քննարկումներ անցկացնելու»,- ողջույնի իր խոսքում նշեց ԲՀԿ նախագահը:
Նոյեմբերի 13-ին ՀՀ պաշտպանության նախարարի առաջին տեղակալ Դավիթ Տոնոյանն ընդունել է ԵԱՀԿ քարտուղարության կիբերանվտանգության համակարգող պարոն Բեն Հիլլերին:
«Ձեզ հետևում էին նաև օտարները և առաջին հերթին նրանք, ովքեր մեզ թշնամի են անվանում, ովքեր միջոցների միջև տարբերություն չեն դնում և ի վիճակի են կացնահարել քնած մարդուն, ովքեր ի վիճակի են դժվարին դրության մեջ հայտնված և իրենից վտանգ չներկայացնող ուղղաթիռ ոչնչացնել: Դա իրենց գործն է: Դուք ձեր գործը լավ եք կատարում»:
Նոյեմբերի 12-ին, ժամը 16.20-ին, ոստիկանության Դիլիջանի բաժնում հաղորդում է ստացվել, որ «Հաղարծին» տեղամասի 7-րդ պահաբաժնի «Քյուզ» կոչվող անտառամասում ծառեր են հատում:
Արմեն Կ.-ի խուզարկությամբ՝ բաճկոնի գրպանից հայտնաբերվել է մոտ 0.39 գ կանաչավուն չորացված և մանրացված կանեփանման զանգված, որը, ըստ նրա հայտարարության, պատկանում է իրեն, աճեցրել է իր հողամասում:
Նրանք ներկայացրել են հավատարմագրման գործընթացին, ընդունելության քննություններին և իրենց ղեկավարած բուհերի հետագա գործունեությանը վերաբերող մի շարք հարցեր:
ն, Ա. Շամիրյանը տեղափոխվել է «Հրազդան» ՔԿՀ-ից «Նուբարաշեն» ՔԿՀ, որպեսզի պահանջներ չներկայացնի «Հրազդան» ՔԿՀ-ի ռեժիմային գծով պետի տեղակալ Ս. Բաբայանին: Սակայն, զարմանալիորեն ներկայումս «Նուբարաշեն» ՔԿՀ-ում գտնվող Ա. Շամիրյանը որոշել է ՀՀ Ազգային անվտանգության ծառայությանը հայտնել «Հրազդան» ՔԿՀ-ում ՔԿՀ-ի ռեժիմային գծով պետի տեղակալի մասնակցությամբ և աջակցությամբ բջջային հեռախոսների իրացման մասին: Էլ ավելի զարմանալիորեն,ՀՀ ԱԱԾ-ն դատապարտյալի դիմումը վերահասցեագրում է ՀՀ ԱՆ քրեակատարողական վարչության պետին՝ հետագա ընթացքը լուծելու համար:
Դեսպանը մտահոգություն հայտնեց, որ վստահության ամրապնդման ծրագրերում ներգրավված քաղաքացիական հասարակության ներկայացուցիչների ձերբակալումը Ադրբեջանի իշխանությունների կողմից լրտեսության կեղծ մեղադրանքներով ի ցույց է դնում Ադրբեջանի կողմից հումանիտար շփումները բացառելու փորձերը:
Նախագահական նստավայրի դիմաց այսօր Շտապ օգնության մեքենա էր ժամանել։ Վատացել էր հացադուլ եւ նստացույց սկսած Առուշանյան ընտանիքի անդամներից Անահիտ Առուշանյանի ինքնազգացողությունը։
«Ուղեկից վնաս ասելով նկատի ունեմ ուղղաթիռի խոցմանն ի պատասխան հայկական ուժերի հնարավոր գործողությունները, եւ իհարկե` բանակցային գործընթացի խափանման եւ հրադադարի ամրապնդման ուղված ջանքերի չեղարկման վտանգը: Քանի որ կողմերի խոշորածավալ զորավարժությունները եւ առաջնագծի եզերքով օդուժի թռիչքները բոլորովին նորություն չէին, ուստի Ադրբեջանի ղեկավարությունն է պատասխանատու նոր իրողության առաջացման համար»,-ասել է նա:
Նոյեմբերի 13-ին, ժամը 01.45-ին, ոստիկանության Երևան քաղաքի վարչության ՕԿԿ-ից Նաիրիի բաժնում հաղորդում է ստացվել, որ իրենց է զանգահարել անհայտ քաղաքացի և հայտնել, որ Քասախ գյուղի գերեզմանատանը հարձակվել են իր վրա և ծեծել:
«Ադրբեջանն իր առջև խնդիր է դրել տապալել Մինսկի գործընթացը: Եվ տարբեր սադրիչ բնույթի գործողություններ են արվում տարբեր ասպարեզներում: Նպատակն այն է նաև, որ մեզ հանեն հավասարակշռությունից, և մենք փաստորեն ինչ-ինչ գործողությունների միջոցով այդ բանակցային գործընթացը դադարեցնենք: Նրանց դիտարկմամբ՝ այդ դեպքում խնդիրը կանցնի այլ հարթակներ, որտեղ իրենք արդեն նավթային կամ խավիարային դիվանագիտությամբ ինչ-որ ատյանում ձայների մեծամասնությամբ ուղղակի այդ հարցը կլուծեն: Սա է նրանց գերխնդիրը, և մենք նույնպես դա պետք է հաստակ գիտակցենք մեր պատասխան քայլերը պլանավորելիս»:
«Այդ գործողությունները մեզ համար ցավալի են, նրանց կողմից՝ լկտի, և այդ լկտի գործողություններին մեր կողմից համարժեք և մի քիչ էլ անհամաչափ պատասխան, անկասկած, կտրվի»,- ընդգծել է Սեյրան Օհանյանը: Ըստ նախարարի՝ միջազգային հանրության արձագանքը համարժեք էր կատարվածին, թեև կարելի էր ավելի խիստ գնահատական տալ:
ՔՀԻ առաջարկած մոդելի համաձայն՝ Անկախ հանձնաժողով, որպես այդպիսին, չպետք է գործի։ Քրեակատարողական հիմնարկի համապատասխան մասնագետները պետք է գնահատեն վաղաժամկետ ազատման ներկայացված դատապարտյալի անցյալը և ներկան և տրամադրեն եզրակացություն։ Իսկ ՔԿՀ–ից անկախ մարմինը (ապագայում ստեղծվելիք ապորբացիոն ծառայությունը կամ նմանատիպ գործառույթ իրականացնող այլ մարմին, օրինակ՝ ներկայումս գործող Այլընտրանքային պատիժների կատարման բաժինը) պետք է գնահատի ապագայի հետ կապված գործոնները, առաջարկի պայմաններ, որոնք պետք է առաջադրվեն վաղաժամկետ ազատվողին, ինչպես նաև՝ գնահատի նրա կարիքները և առաջարկի աջակցության, վերականգնողական ծրագրեր։
Ըստ ոստիկանության օպերատիվ հաղորդագրությունների ամփոփագրերի` նոյեմբերի 13-ից 14-ն ընկած ժամանակահատվածում հանրապետությունում արձանագրված մարմնական վնասվածք հասցնելու 8 դեպքից բացահայտվել է 7-ը:
Սույն միջադեպը ցավոք ևս մեկ անգամ ցույց է տալիս, թե որքան երկար և խրթին է Լեռնային Ղարաբաղի հակամարտության բանակցված կարգավորման ճանապարհը։
«Երևան Ջուր» ընկերությունը տեղեկացնում է իր հաճախորդներին և սպառողներին, որ, պլանային աշխատանքներով պայմանավորված, ս.թ. նոյեմբերի 18-ին ժամը 10.00-20.00 կդադարեցվիԱվան վարչական շրջանի` Ավան-Առինջի 1-ին, 2-րդ միկրոշրջանների` բազմաբնակարան շենքերի, մասնավոր տնատիրությունների, արտադրական ձեռնարկությունների և հարակից տարածքներիջրամատակարարումը:
Միջադեպի հանգամանքները պարզելու նպատակով ոստիկանության Երևան քաղաքի վարչության պետ Աշոտ Կարապետյանի կողմից նշանակվել է ծառայողական քննություն:
ՀՀ հատուկ քննչական ծառայությունում Վրաստանի Հանրապետության քաղաքացուն կեղծ հիմքերով անձնագրավորելու դեպքի առթիվ` ՀՀ քրեական օրենսգրքի 325-րդ հոդվածի 1-ին մասով հարուցվել է քրեական գործ:
Նոյեմբերի 13-ին, ժամը 16.05-ին, ոստիկանության Մալաթիայի բաժնի ծառայողները Երևանի Բագրատունյաց պողոտայի թիվ 5/3 հասցեի մոտից բերման են ենթարկել 1978 թ. ծնված Արմեն Հ.-ին:
Այսօր տեղի է ունեցել Հայ ազգային Կոնգրեսի հանրապետական խորհրդի նիստը, որը վարել է Լևոն Տեր-Պետրոսյանը:
«Ադրբեջանն իրեն պահել է խուլիգանի նման. սկզբից մեկին կոպիտ բառ է ասում և եթե պատասխան չի ստանում, հաջորդ անգամ արդեն ապտակ է հասցնում: Եթե այդ դեպքում էլ պատասխան չի լինում հարված ստացողի կամ նրա շրջապատի կողմից, նա արդեն գարեջրի է ուղարկում: Հիմա եթե մենք համապատասխան գործողություններ չձեռնարկենք, շատ ավելի վատ խնդիրների ենք հանդիպելու հետագայում»,- նման տեսակետ հայտնեց Հայաստանի առաջին հետախուզադիվերսիոն խմբի հիմնադիր հրամանատար Վովա Վարդանովը՝ անդրադառնալով վերջին իրադարձություններին:
Ֆրանսիայում Հայաստանի Առևտրաարդյունաբերական պալատը և Ֆրանս-Հայկական Գործարար Համախմբումը, Ֆրանսիայում Հայաստանի դեսպան Պր. Վիգեն Չիթեճյանի և Ազգային ժողովի Ֆրանսիա–Հայաստան բարեկամության խմբի նախագահ Ռընե Ռուքեի հովանու ներքո, նոյեմբերի 24-ին Ֆրանսիայի ազգային ժողովում կազմակերպում է Հայաստան-Ֆրանսիա տնտեսական համաժողովը «Հայաստան՝ մուտք դեպի Եվրասիական Տնտեսական Շուկա» խորագրով:
Եվրասիական տնտեսական միությանը Հայաստանի անդամակցության պայմանագիրը համապատասխանում է Հայաստանի Հանրապետության Սահմանադրությանը:
«Մենք դատապարտում ենք բռնության այս նոր պոռթկումը: Մենք կարծում ենք, որ ինչպես միշտ, ադրբեջանական իշխանությունն է պատասխանատու այս ամենի համար: Այս սադրանքը զրոյացնում է Ադրբեջանի պարտավորությունները: Մենք կարծում էինք, որ հոկտեմբերի 27-ին Փարիզում կայացած Հայաստանի և Ադրբեջանի նախագահների հանդիպումից հետո Բաքուն կորդեգրի առավել իրատեսական և կառուցողական վարքագիծ: Ընդամենը մի քանի օր հետո խախտելով Ֆրանսիային տված խոտումը, ադրբեջանական իշխանությունը ցույց տվեց, որ չի կարող վստահելի գործընկեր լինել տարածաշրջանում»,- նշել է ֆրանսիացի ԵԽ պատգամավոր, ՀԵԲ (www.eufoa.am ) Եվրոպա-Հայաստան խորհրդատվական խմբի անդամ Ֆրանսուա Ռոշեբլոնը:
Ֆրայբուրգի համալսարանական կլինիկայի կլինիկական քիմիայի ինստիտուտի գիտնականներից քիմիկ դոկ. Գերհարդ Պյութտցը պարգևատրվել է Գերմանիայի Նեֆրոլոգիայի Միության կողմից քիմիական ավելորդ նյութերի մնացորդներից արյունը մաքրելու նորարարական մեթոդը հայտնագործելու կապակցությամբ:
Ժամը 13:30-ի սահմաններում վթար է տեղի ունեցել Գարեգին Նժդեհ փողոցում:
Խ. Աբովյանի անվան Հայկական մանկավարժական համալսարանում բացվել է «Նաիրի» ինժեներական լաբորատորիա, որտեղ պետք է մասնագետներ պատրաստվեն՝ դպրոցների ինժեներական խմբակներում դասավանդելու համար:
