Վերամբարձ կռունկում մնացած քաղաքացիները տարհանվել են
Նոյեմբերի 24-ին, ժամը 12.11-ին ահազանգ է ստացվել, որ Կոտայքի մարզի Զովունի գյուղի 26-րդ փողոցի նորակառույց տան տանիքում շինարարական աշխատանքներ իրականացնող վերամբարձ կռունկը խափանվել է, աշխատակիցները մնացել են կռունկում (մոտ 8 մ). վերջիններիս իջեցնելու համար անհրաժեշտ է փրկարարների օգնությունը:
Դեպքի վայր ժամանած փրկարարները 1964 թ. ծնված Վ. Ս.-ին և 1974 թ. ծնված Վ. Հ.-ին ալպինիստական գույքի օգնությամբ իջեցրել են ցած:
ՀՀ Արտակարգ իրավիճակների նախարարություն
