Burger King-ում առաջացած ծխի պատճառով Մոսկվայի առևտրի կենտրոնից 6 հազար մարդ է տարհանվել
Մոսկվայի «Աֆիմոլ» առևտրի կենտրոնից ավելի քան 6 հազար մարդ է տարհանվել Burger King արագ սննդի ցանցի մասնաճյուղում առաջացած ծխի հետևանքով: Այս մասին հայտնում է ռուսական ՏԱՍՍ-ը:
Գործակալության զրուցակիցը հայտնել է, որ հրշեջները ներկայում առևտրի կենտրոնում են և ուսումնասիրում են տարածքը հնարավոր հրդեհներից խուսափելու համար: «Իրադրությունը հանգիստ է, տարհանումն իրականացվում է կազմակերպված ձևով»,- հայտնել է նա:
ՏԱՍՍ-ը գրում է, որ ուսումնասիրությունների արդյունքում հրդեհի օջախ չի հայտնաբերվել: Ծխի պատճառ է դարձել Burger King-ում ուտելիքի պատրաստման գործընթացը:
Հատկանշական է, որ ապրիլի 2-ին պայթյուն էր արձանագրվել Երևանի Հյուսիսային պողոտայի «Բուրգեր քինգ» արագ սննդի կետում: Տուժել էր 8 մարդ, այդ թվում՝ երեխաներ: Պարզվել է, որ «Բուրգեր Քինգ»-ի խոհանոցում տեղի է ունեցել ածխաթթու գազի (CO2) 20 կգ-անոց բալոնի պայթյուն:
