Հարցումը Կատալոնիայի անկախության կողմնակիցների թվի նվազում է արձանագրել
Իսպանիայից Կատալոնիայի անկախության աջակցման մակարդակն իջել է մինչեւ բնակչության 40,8 տոկոսը՝ 2017 թվականի հոկտեմբերին անցկացված հարցման 48,7 տոկոս արդյունքի համեմատությամբ:
Այդ մասին, ինչպես հայտնել է Pais հրատարակությունը, վկայում են Ժեներալիտետի (ինքնավար հանրապետության կառավարության) հասարակական կարծիքի ուսումնասիրման կենտրոնի կողմից անցկացված հարցման տվյալները: Հրատարակության տվյալներով՝ 2017 թվականի հոկտեմբերին Կատալոնիայի անկախությունը պաշտպանում էր բնակչության 48,7 տոկոսը:
Նոր հարցումը ցույց է տվել, որ Կատալոնիայի կողմից անկախության ձեռքբերմանը դեմ է արտահայտվել տարածաշրջանի բնակիչների կեսից ավելին (53,9 տոկոսը): Հարցումն անցկացվել է հունվարի 10-ից մինչեւ 30-ը: Դրան մասնակցել է 1200 մարդ, հաղորդել է ՌԻԱ Նովոստին:
