«Արևմտյան քաղաքակրթությանը մուսուլմանների ինտեգրումը շատ դժվար կլինի». Թրամփ
Արեւմտյան քաղաքակրթությանը մուսուլմանների ինտեգրումը շատ բարդ կլինի: Այս մասին հայտարարել է ԱՄՆ-ի նախագահ Դոնալդ Թրամփը:
Fox News հեռուստաալիքին տված հարցազրույցում հաղորդավարը նախագահին հարցրել է, թե հնարավոր է արդյոք մուսուլմաններին հաջողությամբ ինտեգրել արեւմտյան քաղաքակրթությանը:
«Դա բնավ դյուրին չի լինի: Մուսուլմանների միաձուլումը շատ ու շատ դժվարին գործընթաց կլինի»,- ասել է Թրամփը: Դրա հետ մեկտեղ նա նշել է, որ «շատ մուսուլմաններ սիրում են այս երկիրը»:
Միեւնույն ժամանակ պետության ղեկավարն առաջարկել է «տեսնել, թե ինչ է տեղի ունենում Գերմանիայում, Շվեդիայում, Բրյուսելում եւ բազմաթիվ այլ վայրերում»: Նրա խոսքով «դա շատ դժվարին գործընթաց է»:
«Մենք մտադիր ենք շատ լրջորեն աշխատել այդ ուղղությամբ»,- հավելել է նախագահը, հաղորդել է ՌԻԱ Նովոստին:
