Թբիլիսիում պահանջում են քաղաքապետի հրաժարականը
Թբիլիսիի քաղաքապետարանի մոտ բողոքի ակցիա է անցկացվել, որի մասնակիցները պահանջել են Թբիլիսիի քաղաքապետ Դավիթ Նարմանիայի հրաժարականը, հայտնում է «Գրուզիա օնլայնը»:
Ակցիան անցկացրել են «Ազգային շարժման» ներկայացուցիչները, որոնք պահանջել են, որ Նարմանիան անհապաղ լքի պաշտոնը:
Ինչպես հայտարարել են ակցիայի մասնակիցները, Դավիթ Նարմանիան այդ պաշտոնին չի համապատասխանում: Վերջիններս հայտարարել են, որ նրա հրաժարականն են պահանջում ոչ միայն իրենք, այլև Թբիլիսիի բնակչության մեծ մասը:
«Նա անպիտան, անաշխատունակ և դրա հետ միասին, անդաստիարակ մարդ է, այս պատճառով էլ պետք է լքի պաշտոնը»,- հայտարարել է «Ազգային շարժում» կուսակցության ներկայացուցիչ Դավիթ Ջիջոլավան:
