Ո՞ւմ է պարգևատրել ԼՂՀ ոստիկանության պետը
Ընթացիկ տարվա հուլիսի 2-ին ԼՂՀ ոստիկանությունում տեղի է ունեցել պարգևատրման արարողություն:
ԼՂՀ ոստիկանության մամլո ծառայության փոխանցմամբ՝ ԼՂՀ ոստիկանության պետ, գեներալ-մայոր Կամո Աղաջանյանը անձամբ ընդունել է ոստիկանության պաշտոնաթող մայոր Կամո Պողոսյանին և ոստիկանության մարմիններում երկարամյա անբասիր ծառայության համար պարգևատրել ԼՂՀ ոստիկանության պատվոգրով ու հուշանվերով:
Աղբյուրի հաղորդմամբ՝ արդեն իսկ հաճելի ավանդույթ դարձած` ոստիկանության պետի կողմից ոստիկանության պաշտոնաթող ծառայողների պարգևատրումը ոչ միայն արածը արժևորելու, այլև իրավակարգի պահապանների ծառայությանը նվիրման և եռանդի նոր լիցքեր հաղորդելու յուրահատուկ դրսևորում է:
