Ինչպես է նուշն օգնում նվազեցնել խոլեստերինի մակարդակը
Ինչպես գրում է steptohealth.ru կայքը, խոլեստերինի մակարդակը հսկելու համար կարող է օգտակար լինել նուշը: Տարբեր հետազոտությունների արդյունքում գիտնականներն ուսումնասիրել են նուշի այն հատկությունները, որոնց շնորհիվ այն արյան մեջ նվազեցնում է խոլեստերինի քանակը: Նուշը հարուստ է այնպիսի ճարպերով, որոնք օգտակար են առողջության համար: Այն հարուստ է նաև վիտամին E-ով, որը հակաօքսիդանտների հիանալի աղբյուր է: Նուշը հարուստ է նաև մագնեզիումով, որը լավացնում է արյան շրջանառությունը:
Պետք է ուշադրություն դարձնել, սակայն, այն հանգամանքին, որ ճարպեր պարունակող մթերքները շատ կալորիաներ են պարունակում, որոնցից կարելի է գիրանալ: Հաշվի առնելով այս հանգամանքը՝ նուշ պետք է շատ չօգտագործել. օրվա ընթացքում չափաբաժինը չպետք է անցնի կես բաժակից: Այս քանակի նուշ օգտագործելը ձեզ հնարավորություն կտա օգտվել նրա օգտակար հատկանիշներից:
Թարգմանությունը՝ 168.am-ի
