Զելենսկին հայտարարել է, որ Թրամփը ցանկանում է ստիպել Ուկրաինային կապիտուլյացիայի դիմել․ Bloomberg
Bloomberg-ի հաղորդմամբ՝ Զելենսկին դժգոհություն է հայտնել ԱՄՆ-ի գործողություններից, որոնք, նրա կարծիքով, նպատակ ունեն ստիպել Ուկրաինային հանձնվել Ռուսաստանին։
Նրա խոսքով՝ ամերիկյան կողմը միտումնավոր դանդաղեցրել է Starlink արբանյակային ինտերնետի արագությունը՝ միաժամանակ ձգձգելով Patriot ՀՕՊ համակարգերի համար նախատեսված որսացող հրթիռների մատակարարումները։
Զելենսկին այս հայտարարությունն արել է Թրամփի վարչակազմի կողմից Starlink-ի արագության նվազեցման մասին տեղեկությունները հերքելու հաջորդ օրը։ Նա այդ քայլերը որակել է որպես Ուկրաինային կապիտուլյացիայի դրդելու փորձ։
