«Ո՞վ է ասում, որ չենք տալիս, լավ չեն ուզում». ՀՀԿ-ականը՝ ընդդիմությանը լծակներ տալու մասին. «Հրապարակ»

«Հրապարակ»-ը զրուցել է ՀՀԿ խմբակցության քարտուղար Գագիկ Մելիքյանի հետ:

– Պարոն Մելիքյան, ինչո՞ւ իշխանությունը չի տալիս վերահսկողական լծակներ ընդդիմությանը, ի՞նչ տեղի կունենա ՀՀԿ-ի հետ, եթե ընդդիմությունը լծակներ ստանա:

– Իսկ ո՞վ է ասում, որ ինչ-որ բան տեղի կունենա:

– Այդ դեպքում ինչո՞ւ չեք տալիս:

– Իսկ ո՞վ է ասում, որ չենք տալիս, լավ չեն ուզում:

– Իշխանությունը պատրա՞ստ է, օրինակ, Վերահսկիչ պալատը տրամադրել ընդդիմությանը:

– Եթե արժանի թեկնածուներ կան… ինչո՞ւ ոչ, որևէ խոչընդոտ չեմ տեսնում, երևի լավ չեն ուզում:

– Այսինքն, ինչպե՞ս պետք է ուզեն, ձեզ հետ գործարքի գնալու պայմանո՞վ, կոռուպցիոն բացահայտումները չհրապարակելու գնո՞վ, ի վերջո, կոռումպացված երկիր է:

– Չէ, ո՞ւր եք տեղափոխում հարցը, իսկ ո՞վ է ասել, որ կոռումպացված երկիր է, իսկ ո՞վ է ասել, որ ընդդիմությունն ավելի լավ է վերահսկում, քան իշխանությունը:

– Ուզում եք ասել, որ գործարքի չգնալն անխուսափելի՞ է:

– Ես որևէ խնդիր չեմ տեսնում: Իրենց համար միայն դա՞ է կարևոր, և հատկապես ո՞ր ոլորտն են ուզում՝ ֆինանսական, արտաքին, ո՞ր ոլորտը:

– Վերահսկողական ծառայությունները…

– Ինչո՞ւ են ուզում…

– Որ հակակշիռ լինեն իշխանությանը:

– Իսկ վերահսկողությունը վա՞տ է իրականացվում: Վերահսկիչ պալատը ԱԺ ամբիոնից բացահայտումներ հրապարակեց, քննություն է գնում:

– Եթե իշխանությունը կոռումպացված չէ, ամեն ինչ լավ է, ինչո՞ւ չեք համաձայնում ընդդիմության հետ:

– Լավ չեն ուզում:

– Ի՞նչ է դա նշանակում:

– Լավ պետք է աշխատեն իրենք իրենց վրա, կասկածում եք, որ մենք ինչ-որ բաներ բացահայտում ենք ու չե՞նք հրապարակում:

– Եթե դուք 12 կետի հետ հաշվի չնստեք, կհաջորդի իշխանափոխության պահանջը, ի՞նչ պետք է անեք:

– Թող պահանջեն, նո՞ր են պահանջում, 10 տարի պահանջում են:

– Ծառուկյանն է պահանջելու, չե՞ք վախենում Ծառուկյան-Արգամիչ դաշինքից:

– Դուք տանում եք անձնական դաշտ, ես նման բան չգիտեմ: Ես չեմ տեսնում նման բան:

– Հովիկ Աբրահամյանը ձե՞ր թիմակիցն է, թե՞ Ծառուկյանի:

– Մեր թիմակիցն է, մեր կուսակցության կողմից նշանակված վարչապետն է, ինչի՞ եք թիմ-թիմ բաժանում: Թիմեր չկան, ես չգիտեմ դրանց տեղը:

Ամբողջությամբ կարդացեք «Հրապարակ»-ի այսօրվա համարում։