Հակաահաբեկչական գործողությունը կշարունակվի մինչև բոլոր զինյալների ոչնչացում. Յարեմ
ZN.UA-ի փոխանցմամբ՝ Ուկրաինայի առաջին փոխվարչապետ Վիտալի Յարեմը, ով կարգավորում է կառավարության ուժային բլոկը, կառավարության նիստում հայտարարել է, որ Ուկրաինայի արևելքում հակաահաբեկչական գործողությունն իրականացվելու է ընդհուպ մինչև զինյալների ամբողջական ոչնչացում.
«Մենք կիրականացնենք այդ գործողությունները, մինչև որ Ուկրաինայի տարածքում չմնա գեթ մեկ ահաբեկիչ»: Յարեմը հիշեցրել է, որ մայիսի 25-ին՝ ընտրությունների ժամանակ, չի անցկացվել հակաահաբեկչական գործողություն, սակայն ներկայումս այն վերստին մեկնարկել է, ինչի արդյունքները տեսանելի են եղել երեկ:
Միևնույն ժամանակ Յարեմը դժվարացել է պատասխանել, թե որքան կտևի հակաահաբեկչական գործողությունը:
