Թուրքիայի պաշտպանության փոխնախարարը ժամանել է Բաքու
Ադրբեջանական APA լրատվական գործակալության փոխանցմամբ՝ Ադրբեջան է ժամանել Թուրքիայի պաշտպանության փոխնախարար, գեներալ-լեյտենանտ Օսման Ունլյուի գլխավորած պատվիրակությունը:
Այսօր Օսման Ունլյուին ընդունել է Ադրբեջանի զորահավաքի ու զորակոչի պետական ծառայության պետ, գեներալ-լեյտենանտ Արզու Ռագիմովը: Հանդիպման ժամանակ կողմերը քննարկել են զորակոչի ու զորահավաքի ոլորտում փորձի փոխանակման հարցերը, այդ ոլորտում համագործակցելու հեռանկարները և այլն:
Թուրքական պատվիրակության այցն ավարտվելու է մայիսի 24-ին:
Հիշեցնենք, որ սրանից առաջ հաղորդվել էր, թե մայիսի 14-ին Նախիջևան պետք է ժամաներ Թուրքիայի պաշտպանության նախարար Իսմեթ Յըլմազը, սակայն այդ այցը հետաձգվեց՝ կապված մայիսի 13-ին Սոմայի ածխահանքում գրանցված աղետի հետ, որը խլեց 301 մարդու կյանք:
