Ուկրաինական դիմակայության հետևանքով զոհվել է մոտ 250 մարդ. ՄԱԿ
ZN.UA-ի փոխանցմամբ՝ ուկրաինական դիմակայության ընթացքում զոհվել է մոտ 250 մարդ: Այս մասին հայտարարել է ՄԱԿ-ի գլխավոր քարտուղարի՝ մարդու իրավունքների հարցերով օգնական Իվան Շիմոնովիչը՝ ներկայացնելով ՄԱԿ-ի՝ մարդու իրավունքների գծով մոնիթորինգային հանձնաժողովի զեկույցը:
Նա մանրամասնել է, որ խոսքը գնում է 2013 թվականի նոյեմբերից մինչև այս տարվա մայիսի 5-ն ընկած ժամանակահատվածում Ուկրաինայում զոհվածների մասին: Շիմոնովիչն ընդգծել է, որ զոհվածների թվում կան տեղաբնակներ, պետական ուժային կառույցների ներկայացուցիչներ և ապօրինի զինված խմբավորումների անդամներ:
Շիմոնովիչի խոսքերով՝ դիտարկումը ցույց է տվել, որ Ուկրաինայի հարավում ու արևելքում գրանցվել են մարդու իրավունքների զանգվածային խախտումներ, ինչը մասնավորապես վերաբերում է մարդկանց ապօրինի ձերբակալման 112 դեպքին, որոնցից 49-ի ճակատագիրը ցայժմ մնում է անհայտ:
