Սլավյանսկում զինյալները «Մի-24» տիպի ուղղաթիռ են կործանել
Ուկրաինական UNIAN լրատվական գործակալության փոխանցմամբ՝ այսօր Սլավյանսկի շրջանում տեղի ունեցած մարտերի ժամանակ զինյալները խոշոր տրամաչափի գնդացրի օգնությամբ կործանել են Ուկրաինայի զինված ուժերի «Մի-24» տիպի ուղղաթիռ:
Այս մասին հայտարարել է Ուկրաինայի ՊՆ-ի Մամուլի ու տեղեկատվության վարչության պետի պաշտոնակատար Բոգդան Սենիկը: Նրա խոսքերով՝ միջադեպը գրանցվել է ժամը 14.30-ի մոտ, Սլավյանսկ քաղաքի շրջանում: Նա հավելել է, որ ուղղաթիռի անձնակազմը ողջ է, քանի որ ուղղաթիռն ընկել է ջրամբարի մեջ, ինչն էլ փրկել է օդաչուների կյանքը:
Սրանից առաջ էլ Ուկրաինայի ՊՆ-ը հայտնել էր, որ մայիսի 2-ի գիշերը զինյալները Սլավյանսկում կործանել են Ուկրաինայի զինված ուժերի «Մի-24» տիպի 2 ուղղաթիռ: Բացի այդ, վնասվել էր «Մի-8» տիպի մեկ ուղղաթիռ:
