Կայուն փոխարժեքի շաբաթը
Այս շաբաթվա ընթացքում ամերիկյան դոլարի փոխարժեքը հայաստանյան շուկայում զարմանալի կայուն վարքագիծ դրսևորեց՝ գրեթե չշեղվելով 405.5 դրամի միջակայքից։ Այսօր՝ շաբաթվա վերջին աշխատանքային օրը «ՆԱՍԴԱՔ ՕԷՄԷՔՍ ԱՐՄԵՆԻԱ» բորսայում ամերիկյան դոլարի միջին փոխարժեքը կազմել է 405.5 դրամ։ Երեկվա համեմատ ամերիկյան արժույթը էժանացել է 0.06%-ով կամ 0.25 դրամով։ Բորսայում վաճառվել է ընդհանուր առմամբ 2 միլիոն 300 հազար դոլար։ Կանխիկ արտարժույթի շուկայում դոլարի առքի գինը կազմում է 404 դրամ, վաճառքինը՝ 407 դրամ:
