«Հեզբոլլահը» հանդես է եկել Լիբանանի կառավարության և ԱՄՆ-ի միջև ուղիղ բանակցությունների դեմ
«Հեզբոլլահ» շարժումը հանդես է եկել Լիբանանի կառավարության և ԱՄՆ-ի միջև ուղիղ բանակցությունների դեմ, հայտնում է Al Jazeera հեռուստաալիքը։
Շարժումը հայտարարել է, որ այդ բանակցությունները կխաթարեն Լիբանանի ինքնիշխանությունը և կծառայեն Իսրայելի շահերին։
Շարժման հայտարարության մեջ ասվում է, որ Վաշինգտոնում լիբանանյան պատվիրակությանը խնդրել են համաձայնել ԱՄՆ-ի պահանջներին, որոնք «կխլեն Լիբանանի ինքնիշխանությունը» և Բեյրութը կմիացնեն Իսրայելի հետ հաշտվածներին։
Ինչպես նշել են «Հեզբոլլահում», բանակցությունները հիմնված էին «սխալ» նախադրյալի վրա և ավելի շուտ կհանգեցնեն «կապիտուլյացիայի», քան կծառայեն Լիբանանի շահերին։
«Կառավարության մասնակցությունը խոչընդոտում է հակազդել թշնամական նախագծին, տեղում դիմադրության ջանքերին և մեր մեծ ժողովրդի մեծ զոհողություններին, որոնք պետությունը կարող էր օգտագործել լիբանանյան տարածքից Իսրայելի լիակատար և անվերապահ հեռացմանը հասնելու համար», – «Հեզբոլլահի» հայտարարությունից մի հատված է մեջբերել հեռուստաալիքը։
Շարժումը նաև հայտարարել է, որ կառավարության ներկայությունը մեծացրել է Լիբանանի կայունության և անկախության համար ռիսկերը և հավասարազոր է «ԱՄՆ-ի և Իսրայելի քաղաքական նպատակներին հետևելուն»։
