Միջազգային իրավունքի նկատմամբ հարգանքը ոտնահարվում է, հատկապես Մերձավոր Արևելքում. Գուտերեշ
ՄԱԿ-ի գլխավոր քարտուղար Անտոնիո Գուտերեշը զգուշացրել է, որ միջազգային իրավունքի նկատմամբ հարգանքը թուլանում է ամբողջ աշխարհում, մասնավորապես Մերձավոր Արևելքում, հաղորդում է Anadolu գործակալությունը։
«Միջազգային իրավունքի նկատմամբ հարգանքը ոտնահարվում է ամբողջ աշխարհում, մասնավորապես Մերձավոր Արևելքում»,- ՄԱԿ-ի նյույորքյան կենտրոնակայանում լրագրողների հետ զրույցում հայտարարել է Գուտերեշը։
Նա շեշտել է, որ «ուժի կիրառման և ռազմական գործողությունների վարման կանոններն անտեսվում են»։
Ինչ վերաբերում է տարածաշրջանին, Գուտերեշը հայտարարել է, որ «այս ճգնաժամի համար ռազմական լուծում չկա»։
Նա ընդգծել է, որ «լուրջ բանակցությունները պետք է վերսկսվեն» և ցանկացած հրադադար «պետք է պահպանվի»։
ՄԱԿ-ի գլխավոր քարտուղարը շեշտել է՝ «միանգամայն հավանական է», որ ԱՄՆ-ի և Իրանի միջև բանակցությունները կվերսկսվեն, և Իսրայելի և Լիբանանի միջև ընթացող քննարկումներն «շատ կարևոր» է անվանել՝ տեղում իրավիճակը բարելավելու համար։
