«Ժամանակն է փոխել պաշտպանության պլանը». Զելենսկի
Ուկրաինայի նախագահ Վլադիմիր Զելենսկին հանդիպել է պաշտպանության նախարար Դենիս Շմիգալի և գլխավոր հետախուզական վարչության պետ Կիրիլ Բուդանովի հետ և հայտնել է, որ ժամանակն է վերանայել Ուկրաինայի պաշտպանության պլանը, տեղեկացրել է «Украинская правда»-ն։
«Ժամանակն է վերանայել Ուկրաինայի պաշտպանության հիմնարար փաստաթղթերը, մասնավորապես՝ մեր պետության պաշտպության պլանը։ Ռազմական գործողությունների ընթացքը ցույց է տվել, թե կոնկրետ որոնք պետք է լինեն թարմացվող առաջնահերթությունները», ասել է Զելենսկին։
Ուկրաինայի նախագահի խոսքով՝ իրենք համաձայնության են եկել, որ Շմիգալը կպատրաստի փոփոխությունների մանրամասն առաջարկներ և կներկայացնի դրանք նախարարների կաբինետի հաստատմանը։
Նա ավելացրել է, որ պաշտպանության նախարարը նաև զեկուցել է Նիկոլաևի և Խերսոնի մարզեր կատարած իր ուղևորությունների և պաշտպանական միջոցառումների մասին։
