«ԱՄՆ երաշխավորությամբ Ադրբեջանը ստացավ այն, ինչին երկար ժամանակ ձգտում էր». Գուրգեն Պետրոսյան
Սպիտակ տանը Նիկոլ Փաշինյանի, Դոնալդ Թրամփի և Իլհամ Ալիևի եռակողմ հանդիպմանը ստորագրվեց Ադրբեջանի նախագահի ու Հայաստանի վարչապետի համատեղ հռչակագիրը՝ հանդիպման արդյունքների մասին: Առաջին կետով նշվում է, որ Փաշինյանը, Ալիևը և Թրամփն ականատես եղան Ադրբեջանի և Հայաստանի միջև խաղաղության ու միջպետական հարաբերությունների հաստատման մասին համաձայնագրի համաձայնեցված տեքստի նախաստորագրմանը կողմերի արտաքին գործերի նախարարների կողմից։ Իրավական առումով՝ ի՞նչ նշանակություն ունի հռչակագիրը և ի՞նչ է նշանակում խաղաղության պայմանագրի նախաստորագրումը:
168TV-ի «Ռեվյու» հաղորդման ընթացքում թեմայի վերաբերյալ զրուցել ենք Էռլանգեն-Նյուրնբերգի համալսարանի դասախոս, միջազգային իրավունքի մասնագետ Գուրգեն Պետրոսյանի հետ:
«Ադրբեջանն ստացավ այն, ինչին բավականին երկար ժամանակ ձգտում էր, ու երաշխավորն էլ ԱՄՆ-ն է: Եթե տոլեռանտ պետության հետ գործ ունենայինք, գոնե գերիներին կվերադարձներ»,- ասաց նա:
«Աշխարհակարգի այսպիսի մոտեցումներով՝ Թրամփի պատկերացումներով, շատ վատ ճանապարհով ենք գնում: Այո, դու կարող ես կրակը մարել, հակամարտությունը հանգցնել տնտեսական մեխանիզմներով, բայց հնարավոր չէ երկարաժամկետ կանխարգելել, որովհետև եթե դու հաշվի չես առնում ՄՔԴ, ՄԱԴ էությունը և ասում ես՝ գումարով իրենց մեջ ընկերական հարաբերություններ կստեղծեմ, և անտեսում ես բոլոր միջազգային մեխանիզմները, ստեղծում ես շատ ցավալի նախադեպ՝ ապագա կոնֆլիկտների համար, որոնք կարող են առաջանալ, որովհետև ստացվում է, որ գումարն է տիրում այս բոլոր կոնֆլիկտների դեպքում»,- ընդգծեց նա:
Մանրամասները՝ 168TV-ի տեսանյութում
