Վրաստանում բքի պատճառով սահմանափակվել է բեռնատարների երթևեկությունը դեպի Հայաստանի սահման

Վրաստանում սահմանափակումներ են մտցվել դեպի Հայաստանի սահման բեռնատարների տեղաշարժի համար՝ Փարավանի լեռնանցքում բքի և ցածր տեսանելիության պատճառով։ Այս մասին հայտնում է Վրաստանի ավտոճանապարհների վարչությունը։

Գերատեսչությունից հայտնում են, որ սահմանափակումները գործում են Կոդա-Պարծխիսի-Մանգլիսի-Ծալկա-Նինոծմինդա ավտոճանապարհի 94-րդ կիլոմետրից մինչև 110-րդ կիլոմետր (Փարավանի լեռնանցք) հատվածում։

Ախալքալաք-Կարծախի և Ախալցխա-Նինոծմինդա հատվածներում ժամանակավորապես սահմանափակվել է անցումը նաև կցորդով և կիսակցորդով տրանսպորտային միջոցների համար։

Տրանսպորտի այլ տեսակների համար երթևեկությունը բաց է։