Ի՞նչ անի Տեր-Պետրոսյանը. մամուլ
««Ամեն ժամանակաշրջան ստեղծում է իր քաղաքական դեմքը: Լևոն Տեր-Պետրոսյանը ստեղծեց ՀՀՇ-ն, և ողջ ժողովուրդը կանգնեց: Հերիք է, որ Տեր-Պետրոսյանը կուսակցություն ստեղծի: Մեկ է, այն ժամանակվա ՀՀՇ-ից առաջ չի անցնի»,- «Առավոտի» հետ զրույցում անդրադառնալով ՀՀ առաջին նախագահի վերջին շրջանի քաղաքական վարքագծին` ասաց ՌԴ մարդու իրավունքների պաշտպանի նախկին խորհրդական, իրավապաշտպան Արբակ Խաչատրյանը:
Նրա համոզմամբ` Տեր-Պետրոսյանն առավել ճիշտ կաներ, եթե հետամուտ լիներ 2008 թվականի հետընտրական իրադարձությունների ժամանակ եղած սպանությունների բացահայտման գործին, և իբրև քաղաքական դեմք` առավել ծանրակշիռ կընկալվեր, ոչ թե որպես կուսակցության նախագահ, այլ որպես խորհրդատու»,- գրում է «Առավոտ» օրաթերթը:
