Թուրքիայի մզկիթներից մեկի մինարեթից փոփ երաժտություն է հնչել
Թուրքիայի Չորում նահանգի մզկիթներիցի մեկի մինարեթից հնչող երգի ձայնը ապշեցրել է տեղի բնակիչներին։ Չորումի մզկիթի բարձրախոսներից լսվել է ամերիկացի երգչուհի Լանա Դել Ռեյի «Summertime Sadness» երգը: Այս մասին տեղեկացնում է ermenihaber.am-ը։
Մինարեթից սովորաբար լսվում է ազանը, որը մուսուլմանական աղոթքի կանչն է, իսկ թե ինչպես է ստացվել, որ հնչել է այդ երաշտությունը դեռևս անհայտ է։
Մզկիթի շրջակայքում գտնվողները նկարահանել են և կիսվել սոցցանցերում։ Կադրերում մինարեթից հնչող երաժշտությունը հստակ լսվում է։
Դեռևս տեղեկություններ չկան այն մասին, թե ինչու և ինչպես է երգը հնչել մզկիթի բարձրախոսներից։ Քաղաքացիները սոցիալական ցանցերում գրառումների միջոցով հարցի վերաբերյալ բացատրություն են պահանջում տեղական իշխանություններից։
