Իսրայելը «կոշտ» պատասխան կտա Գոլանի բարձունքների վրա հարձակմանը. Նեթանյահու
Իսրայելը կոշտ պատասխան կտա հուլիսի 27-ին Մաջդալ Շամս գյուղի վրա հարձակմանը: Այսպիսի հայտարարություն է արել Իսրայելի վարչապետ Բենիամին Նեթանյահուն Գոլանի բարձունքներում գտնվող այս բնակավայր կատարած այցի ժամանակ։
The Guardian թերթը գրել է, որ Նեթանյահուն ասել է, որ Իսրայելը չի կարող և չի պատրաստվում լքել այն։ «Մեր պատասխանը կհետևի, և այն կլինի կոշտ», – ասաց նա:
Հուլիսի 27-ին Գոլանի բարձունքների հյուսիսում գտնվող Մաջդալ Շամս շրջանը հրթիռակոծության է ենթարկվել։ Արդյունքում զոհվել է 12 մարդ՝ հիմնականում երեխաներ և դեռահասներ, ովքեր հարձակման պահին եղել են ֆուտբոլի դաշտում։ Հարձակման համար իսրայելական կողմը մեղադրել է «Հեզբոլլահ» շարժմանը։
Շարժումը հերքել է իր մասնակցությունը հարձակմանը, ասելով, որ դա տեղի է ունեցել Իսրայելի «Երկաթե գմբեթ» հակաօդային պաշտպանության համակարգից կալանիչ հրթիռի անկմամբ:
Հուլիսի 28-ին Իսրայելի ռազմաքաղաքական կաբինետը Նեթանյահուին և պաշտպանության նախարար Յոավ Գալանտին լիազորություն է տվել որոշել պատասխան միջոցների մասին Մաջդալ Շամսի վրա հարձակումից հետո։
