Պատերազմող Իսրայելում առաջարկել են հեռացնել վարչապետին
Իսրայելի ընդդիմության առաջնորդ Յաիր Լապիդը հայտարարել է, որ վարչապետ Բենիամին Նեթանյահուն պետք է փոխվի՝ չնայած շարունակվող մարտական գործողություններին: Նրա խոսքով, ինչպես մեջբերում է «Details»-ը, Իսրայելը կորցրել է հավատը վարչապետի նկատմամբ, և այսպես չի կարելի պատերազմ վարել։
«Մեզ փոփոխություն է պետք. Նեթանյահուն չի կարող մնալ վարչապետ. Մենք չենք կարող մեզ թույլ տալ երկար պատերազմ վարել վարչապետի գլխավորությամբ, որին հասարակությունը չի վստահում»,- ասել է Լապիդը:
Հրատարակությունը նշում է, որ ռազմական գործողությունների սկսվելուց ի վեր Յաիր Լապիդը ձեռնպահ է մնացել Նեթանյահուին փոխարինելու կոչերից՝ ասելով, որ չնայած իշխանության առկա ճգնաժամին, Գազայի պատերազմի ժամանակ վարչապետ փոխելու ժամանակը չէ։
Նեթանյահուի «Լիկուդ» կուսակցությունը «ափսոսանք և խայտառակություն» է անվանել, որ Լապիդը «ներգրավվում է պատերազմական քաղաքականությամբ՝ առաջարկելով տապալել ռազմարշավը ղեկավարող վարչապետին և փոխարինել նրան մի կառավարությունով, որը կստեղծի Պաղեստին պետություն և թույլ կտա Պաղեստինի ինքնավարությանը վերահսկել Գազայի հատվածը»:
