Իսրայելը հարվածներ է հասցրել Սիրիայի օդանավակայաններին. կա զոհ և վիրավոր
Իսրայելը կիրակի վաղ առավոտյան հարվածներ է հասցրել Սիրիայի Դամասկոսի և Հալեպի օդանավակայաններին: Արդյունքում զոհվել է մայրաքաղաքի օդանավակայանի մեկ աշխատակից, ևս մեկը վիրավորվել է, հայտնում է սիրիական ՍԱՆԱ գործակալությունը ՝ հղում անելով զինվորական աղբյուրին:
Նշվում է, որ հարձակումն իրականացվել է Գոլանի բարձունքներից։
Միջադեպի հետևանքով վնասվել և շարքից դուրս են եկել թռիչքուղիները:
Հիշեցնենք, որ սիրիական երկու օդանավակայանները շարքից հանելու նմանատիպ հարձակում էր իրականացվել հոկտեմբերի 12-ին:
