Կրեմլը մեկնաբանել է Մոլդովա Պուտինի մուտքի արգելքը
Ռուսաստանի նախագահի մամուլի քարտուղար Դմիտրի Պեսկովը մեկնաբանել է Մոլդովայի վարչապետ Դորին Ռեչանի հայտարարությունն այն մասին, որ Վլադիմիր Պուտինին արգելվել է մուտք գործել հանրապետություն: Ըստ Պեսկովի՝ նշելով, որ Մոլդովան ձգտում է դառնալ ոչ բարեկամ երկիր։
«Ակնհայտ է, որ Մոլդովայի ներկայիս ղեկավարությունն արագորեն շարժվում է դեպի մեզ արդեն հայտնի ռուսատյացությունը», – ասել է նա:
Պեսկովն ուշադրություն է հրավիրել այն փաստի վրա, որ Քիշնևում, չգիտես ինչու, «եվրաինտեգրման ձգտումները» նույնացնում են ռուսատյացության ծաղկման հետ։
«Նրանք կարծում են, որ դա պետք է լինի եվրաինտեգրման միանգամայն պարտադիր ատրիբուտ՝ ատել Ռուսաստանը և ռուսամետ ցանկացած դրսևորում»,- հավելել է խոսնակը։
Նա ընդգծել է, որ այդ գործընթացները կապված չեն հասարակության տրամադրությունների հետ։
«Քանի որ մենք բոլորս տեսնում ենք բողոքի ցույցեր, մենք տեսնում ենք մեծ թվով մարդկանց, որոնք համաձայն չեն երկրի նման քաղաքականությանը»,- եզրափակել է Կրեմլի խոսնակը։
Հիշեցնենք, որ Մոլդովայի վարչապետ Դորին Ռեչանը TV8-ին տված հարցազրույցում ասել էր, որ ՌԴ նախագահ Վլադիմիր Պուտինին արգելվել է մուտք գործել երկիր։
Ռեչանն ասել էր, որ Մոլդովայում կա Ռուսաստանի քաղաքացիների «սև ցուցակ». խոսքն այն մարդկանց մասին է, որոնք չեն կարողանա մուտք գործել երկիր։ Միաժամանակ վարչապետը մանրամասնել է, որ որոշ պաշտոնյաներ տեղեկանում են այդ ցանկում ընդգրկված լինելու մասին միայն այն ժամանակ, երբ փորձում են մուտք գործել Մոլդովա։
«Ինչ-որ պահի մենք կկազմենք հրապարակային ցուցակ, բայց այս պահին այն մեխանիզմը, որն այսօր գործում է, բավարար է։ Ես չգիտեմ, թե արդյոք անհրաժեշտ է պետական ռեսուրսներ ծախսել հրապարակային ցուցակ կազմելու վրա», – ասել էր Ռեչանը:
Նա հավելել էր, որ «որևէ մեկը, ով չպետք է երկիր մուտք գործեր, չի մտել»։
«Մենք կփակենք բոլոր նրանց բերանները, ովքեր քարոզում և պատերազմ են սերմանում», – ասել է Ռեչանը:
