ԱՄՆ իշխանություններին ամբողջապես հասանելի են եղել Twitter-ի օգտատերերի անձնական հաղորդագրությունները. Մասկ
Ամերիկացի գործարար Իլոն Մասկը հայտարարել է, որ ԱՄՆ իշխանություններին լիովին հասանելի են եղել Twitter-ի օգտատերերի անձնական հաղորդագրությունները: Այս մասին Twitter-ի սեփականատերը հայտնել է Fox News հեռուստաընկերության հաղորդավար Թակեր Կարլսոնին տված հարցազրույցում։
Լրագրողը սոցիալական ցանցի իր էջում հրապարակել է հայտնի գործարարի հետ հարցազրույցից մի հատված։
«Իշխանությունները գործնականում ամբողջական հասանելիություն ունեին այն ամենին, ինչ տեղի է ունենում Twitter-ում: Եվ ես այդ մասին տեղյակ չէի»,- ասել է Մասկը։
Լրագրողի այն հարցին, թե իշխանություններին հասանելի են եղել օգտատերերի անձնական հաղորդագրությունները, Իլոն Մասկը դրական է պատասխանել։
